طاطي راسك طاطي .........احمد فؤاد نجم

[center][b][size=24] [center][b]بسم الله الرحمن الرحيم

طاطي راسك طاطــــي طاطي
انت ف وطـــن ديمقراطـــــــي
انت بتنعــــم بالحــريـــــــــــــة
بس بشــرط تكون مطاطــــــي

لمّـــا تكـون شـــــغال بذمــــــة
خايف على مصــلحة الأمـــــة
شغلك يطلع من غير لازمـــــة
علشان مبيعـــلاش غير واطي

طاطي راسك طاطــــي طاطي
انت ف وطـــن ديمقراطـــــــي

لمّــا حاميهـا يكون حراميــهــا
وبــلاده ورا ضهره رامـيـهـــا
طـالــع نــازل واكل فيـــــــــها
مســـــنود بالبدلة الظبــاطــــي

طاطي راسك طاطــــي طاطي
انت ف وطـــن ديمقراطـــــــي

لما شــقاك يصــبح مــــش ليك
فقرك ســد الســـــــــــكة عليك
تتلفّت تلــــقى حـــوالــــــــــيك
إما حرامي و إما عقـــــــاطي

طاطي راسك طاطــــي طاطي
انت ف وطـــن ديمقراطـــــــي

لمّــاتلاقي بـــــلاد الـدنـيــــــــا
فيها البني آدم حاجــة تانيــــــة
وانت في الطبقــات الــــــــدنيا
قرد مســلسـل أو وطواطـــــي

طاطي راسك طاطــــي طاطي
انت ف وطـــن ديمقراطـــــــي

لمّــا الجهـــلة يبقــوا أمــــــامك
أو فوقك ماســكــين ف زمامـك
ويسوقك ع الهــلكة إمـــامـــــك
تشــرب م السـم السقــــــراطي

طاطي راسك طاطــــي طاطي
انت ف وطـــن ديمقراطـــــــي

لمّــــا الكلـــمة تكون بتدينـــــك
لمّــــا تخبي ف قلـــــبك دينـــك
لما الذل أشـــوفه ف عيـــــــنك
هات إحبــاطك على إحباطــــي

طاطي راسك طاطــــي طاطي
انت ف وطـــن ديمقراطـــــــي
انت ف وطـــن ديمقراطـــــــي

[/b][/center]
[/size][/b][/center]

اعتقد الشاعر احمد فؤاد نجم
بيبالغ شويه في كتباته