صدقوني غصب عنــــــــى

الكلام ده بيعبر عن لسان حال العرب ف الوقت الحالي يارب يعجبكوا

مخنوقه جوايا الحروف .. مره يأس ومره خوف

الأماني والمعاني والأغاني .. جوه نن القلب شافت

فيه في صدري الف كلمه .. الف دمعه .. الف صرخه

بس ساكت

كل ما احضن بين شفايفي ضي كلمه ..

الا فيها ماتت

نفسي اشكي ..

نفسي ابكي ..

نفسي ابوح ..

واصرخ .. واحكي

بس !!

كل الناس قالولي : السكوت دلوقتي احسن الهزيمه جوه منك

جووووه مني ؟؟!!

الهزيمه حته منك

حته مني ؟؟!!

امتى نكسر صمتنا ونقوم نغني ؟؟؟

ساكته جوايا الحروف مش بخاطري

غصب عني

صدوقوني

غصب عني

عيني بتشوف الحقيقه

والحقيقه يا صاحبي مره

بدله حمره !!

ومشنقه م السقف نازله !!

مش بترجم لما بألمح نفسي فيها

صدقوني

غصب عني

نفسي اصرخ في البيوت

في المصانع

في الكنائس

والجوامع

نفسي أهدم كل سور

نفسي أقتل كل ظالم

والغريبه !!

رغم خوفي

رغم يأسي

لسه بحلم !!!!!!

صدقوني

غصب عني

ميرسى يانهى

كلام معبر جداااااااااااااااااااااااااااااااااااااااااااااااااا

بجد نفسى العرب يتجمعوا
بجد حرام اللى بيحصل ده
الامه الاسلاميه المفروض انها تفضل دايما مرفوعه الراس مش دافسين راسنا فى التراب كده
على راى تريكه العرب دول مش فاضيين غير فى عقد القمم
كمان هم مش وراهم غير انهم يتخانقوا مع بعض
ربنا يجمعنا وينصرنا

يااااااااااااااااااااااااااااااااااااااااااااااارب

كلام جمييييييييييل اوووووووووووووي يا نهى و معبر جداا
مرسي يا قمر

يااارب فعلا ياملك يجمعوا ويتفقوا ولو مره واحده
الف شكر ليكم يا احلى بنات

شكرا يا نوشا

شكرا يا نهى على الكلام الجميل ده

كلام ف منتهى الروعه والله
شكرااااااااا

ميرسى ياعمرو
ميرسى يااحمد

جميل جدا يا نهى

ميرسى ياهانى ربنا يخليك